Portret dalla firma

Mia fatschenta exista dapi igl onn 1993. Duront ils emprems onns da miu menaschi sun jeu staus occupaus oravontut en la sparta da sanitar, scaldament e stagner. Gia spert hai realisau e fascinau mei, ch'ei dat ina alternativa da gudignar energia. Cun litteratura speciala e scolaziun sun jeu seperfecziunaus en quella tematica. Cura ch'igl ei vegniu realisau igl onn 1996 a Mustér l'occurrenza «Sonnenlandsgemeinde» eis ei stau per mei il punc culminont – il crap da fundament – da s'engaschar e specialisar pli fetg en la sparta energia solara. Beinspert ein las empremas construcziuns solaras vegnidas producidas en atgna producziun. En quei temps hai visitau e sun sescolaus en plirs cuors davart quei tema. Suenter in temps hai organisau sez e menau agens cuors e dis dallas portas aviartas en quella sparta. La pli gronda avertura ei stau cura ch'jeu hai baghegiau las empremas construcziuns solaras en atgna construcziun el Tessin. En quei cantun ei l'alternativa da scaldar cun solar fetg gronda. Differentas construcziuns solaras en combinaziun cun lenna ein momentan fetg en moda. Igl interess en quella sparta ei aschi grond che jeu sun specialisaus en atgnas producziuns e construcziuns solaras. Egl onn 2001 ei mia intensiva lavur en favur dil solar vegnida honorada cun il secund premi.

Fetg interessant ei la collaboraziun cun il project solar da WWF e Greenpeace staus, nua che jeu hai astgau collaborar pliras gadas cun giuventetgna. Il davos project en quei connex ei stau il matg 2005 a Schlarigna en l'Engiadina bassa cun giuvenils ord otg naziuns.